الاجتهاذ والتعاون فى المذاكرة
عندى ليكم اقتراح جميل جدا بدل القعدة والونسة اللى ما ليها فايدة قدام مبنى تجارة فرع الخرطوم ، حرام تضييع
الوقت والكلام ده ليكم كلكم خصوصا الجايين من السودان ومتعزبين ومتغربين ما تخللوا تعبكم يروح على الفاضى
بما اننا هسة فى الوقت الضايع اعمل الآتى :-
اولا الالتزام بالمحاضرات والحضور فى مواعيدها حتى لو ما فى دكاترة بيجوا التزم انت اولا عشان غيرك يلتزم .
ثانيا اجمع كل الكتب وكل المحاضرات بتاعت كل المواد من زمايلك واقعد أتأمل فيهم عشان تتعرف عليهم وتبدأ رحلتك معاهم .
ثالثا تقسيم الوقت المتبقى للامتحانات على كل المواد اللى هتمتحنهم ، وخد بالك احنا هسة وقتنا محسوب علينا يعنى لازم مذاكرة مادتين فى اليوم على الاقل والمادة الواحدة كفاية عليها ساعتين .
رابعا اى حاجة تقيف معاك او مادة ما قادر عليها الحق نفسك وشوف اى حد من زملاءك يساعدك قبل فوات الاوان وطبعا احنا اخوان لازم نساعد بعض .
خامسا جيب امتحانات السنيين الفاتت وشوف الاسئلة المكررة وتحفظها صم بدون تردد وطبعا اوعى تعتمد عليها وتقول انك كدة ضمنت النجاح انا بحذرك اسأل مجرب ولا تسأل طبيب .
سادسا فى فكرة جميلة جربتها ونفعت معاى السنة اللى فاتت اللى هى المذاكرة الجماعية
بس انتبه للآتى:-
1- المذاكرة الجماعية ما مع اى ناس ، خد بالك فى ناس حاقدين بيحبوا يضيعوا وقتك ديل طبعا
الله يبعد عننا شرهم ، شوف الناس الجادين وذاكر معاهم ، ولو ما فى ناس جادين حاول انت
تخليهم جادين .
2- المذاكرة الجماعية مفيدة اكتر فى المواد الحسابية زى المحاسبات والرياضة ، يعنى المواد السيورية
ذاكرها براك ولو ما بتعرف تلخص اطلب المساعدة من زمايلك .
*** ملاحظات هامة : -
1- لو رحت فى مواعيد محاضراتك وما لقيت دكاترة بدل الونسة استثمر وقتك واعمل حاجة من الاتنين
يا اما تروح البيت وتذاكر يا اما تروح المكتبة المركزية ولو ما عندك كارنيه لدخول المكتبة المركزية
ياريت ماتتحجج وروح اى قاعة فى المبنى ولو لقيت القاعات مشغولة روح اى مكان فى الجامعة ..
الجامعة وااسعة .
2- اوعى تبخل بالمعلومات على زمايلك بحجة انك تكون احسن منهم ، صدقنى لو اتغاتت وعملت كدة
ربنا بيبعت ليك اللى اغتت منك من غير ما تحس ، وياريت تمشى بمبدأ حب العطاء بدون انتظار
المقابل عشان الله يبارك ليك فى حياتك.
*** وأسأل الله التوفيق لى ولكم
دعواتكم لى
اختكم فى الله ....
موضوع: طريقة جميلة وسهلة للنجاح والتفوق فى تجارة 
الثلاثاء فبراير 23, 2010 3:10 pm
