كيف ممكن تاخد حسنات كتير بطرق سهلة..؟؟؟
* الصلاة على النبى صلى الله عليه وسلم ما هتكلفك كتير .
* لو الاذان اذن وانت فى الجامعة ما تاجل صلاتك عشان فلان وللا فلانة معاك
قوم وصللى ويا سلااام لو اخدت معاك اصحابك للصلاة هتكون عملت عمل خير
وياريت تشجع اللى ما بيصللوا على الصلاة هتكسب فيهم ثواب كبير.
* النميمة والقطيعة الكتيرة بلاش منها طبعا فى الفرع الموضوع ده سائد بشكل غير طبيعى
الله يهدينا ويهديكم ، لو منعت نفسك من عمل الموضوع ده ومنعت غيرك بصورة جميلة
ثوابك عند الله كبير .
* يا سلام يا اخى الكريم لو هديت زميلتك للحجاب صدقنى انت نفسك هتكبر فى نظرها وهتحترمك
وياريت تحترموا زميلاتكم وما ترضوا ليهم انهم يظهروا بمظهر ما لائق فى مجتمع ما مجتمعنا
وحاولوا تنصحوهم .
*اما بالنسبة لاولاد الفرع اللى عملوا موضة جديدة ما كننا بنعرفها كمجتمع سودانى اللى هى السلسلة
والشعر الطويل ، انت بالطريقة دى هتخللى الباقيين يعملوا زيك ، اتقى الله فى نفسك وما تقلل من احترام
الاخرين ليك . حاولوا انصحوا الناس ديل يا اخوانى فى الله .
* لو فى يوم رحت الجامعة وسمعت ان زميلك / زميلتك لا قدر الله عيان او عندو مصيبة
اعمل خير واسأل عنه حتى لو هو اصلا ما بيسأل عنك ، بل بالعكس كدة هتوريه انك
احسن منه وهيحاول يكون زيك وبكدة هتاخد ثواب .
* لو انت فى المواصلات ولقيت اللى قدر والدك او والدتك واقفين يا ريت تعكس صورة مجتمعنا
الاسلامى وتقوم وتقيف ، وقتها هتحس باحساس جميل جرب وهتاخد ثواب.
* اذكار الصباح والمساء التزم بيها اقراها يوم ويومين وتلاتة وهتلاقى نفسك اتعودت عليها وهتكون
اخدت ثواب ولو خليت غيرك يقراها معاك ويتعود عليها ثوابك هيكون اكبر .
*** صدقنى فى حاجات تانية كتيرة وبسيطة ممكن تاخد بيها ثواب ابحث عنها واستفيد ، هيجي يوم
ما هتلقى زول جنبك ما هتنفعك الا رحمة ربنا بيك و عملك الصالح .
*** اسأل الله ان يهدينا جميعا
*** لا تنسونى فى دعائكم ..
اختكم فى الله ....
موضوع: عمل الخير 
الثلاثاء فبراير 23, 2010 5:09 pm
